image3
URUT KABOGOH AMPROK DI PATH (Chatingan) CARITANA REK KOPDAR

ADAY : “Kom!.. Ieu uing geus dilembur maneh, pas jalan gede..belah mana imah teh?”

KOKOM : “anu aya gapura kang, akang lebet kinten-kinten 25 meter aya bumi gedong 3 tingkat, warna kayas, mobilna seueur”

ADAY : “Siap! Akang geus dihareupeunana. Ieu imah maneh teh Kokom?”

KOKOM : “sanes akang! Tidinya akang mengkol ka kanan lebet gang kinten-kinten 10 meter, aya lapangan badminton. Tah gjgireunana kang”

ADAY : “eta imah maneh?”

KOKOM : “eta mah bumina tukang urut. Tidinya mah akang   lempeng, pas ngalangkungan jambatan didinya katingal aya kios alit, seratanana ISI ULANG PULSA”

ADAY : “owh, jadi imah Kokom teh anu jualan pulsa eta?”

KOKOM : “eta mah namina konter atuh kang. Tidinya mah kantun ka kanan dugi ka kuburan. Tah payuneun kuburan aya bangunan kang”

ADAY (mulai keuheul) : “jadi imah sia teh hareupeun kuburan Sarkommmm?”

KOKOM :  “aeh nya sanes atuh kang! Eta mah bumina kuncen, akang ulah lebet kadinya tapi mengkol deui ka kenca, mapay galengan pasawahan, engke oge bakal katingali aya kandang munding”

ADAY (ambek) : “Aaarggh..! Eta imah silaing?”

KOKOM : “abdi mah sanes munding atuh ih!. Tidinya akang lurus we teras dugi ka sisi leuweung”

ADAY (napsu) : “eta gogobrog sia?!”

KOKOM : “memangna abdi teh monyet, si akang mah sok aya-aya wae? Torobos eta leuweung kang, mapay jalan satapak dugi ka pendak sareng masjid alit, tah persis sabeulahna “

ADAY (ambek kacida) : “sakali deui sia ngomong eta lain imah maneh. Dicacag siah mun panggih jeung uing! Ieu tuur geus asa coplok”

KOKOM : “hehehe. sabar atuh kang, ulah emosian janten jalmi mah bilih enggal sepuh. Leres eta pisan bumi abdi. Kumaha tos kapendak tacan kang?”

ADAY (rada bungah) : “akang geus aya hareupeunana yeuh! Gusti! meni asa ringsek kieu awak. Pokona tanggung jawab mencetan akang nya? hehe”

KOKOM : “nya sok langsung kalebet weh da aya mamah abdi nuju nyalira”

ADAY : “Ari Kokom dimana  ??

KOKOM : Nuju di ARAB.. p(-_-)q

 

Komentar

comments